Сябры, мы, платформа litara-a.by не можам застацца ў баку. Гэтым вершам хочам падтрымаць усіх, хто змаганцца за сваю незалежнасць. Жыве Беларусь!

Лятуць пагоні злыя коні
Туманам сцеляцца на дол
У высі зорнай, у прадонні
Паўсюль гучыць пагоні гон

Па-над вякамі, праз стагоддзі
У душах, памяці людской
На рэчцы, у лесе, у месце людным
Пачуй пагоні гучны звон

Не спыняць марныя патугі
Варожыя падуць сцягі
І над радзімай запануе
Свабодны дух — нам дарагі
Дзяніс Бурко

Са сьвятам! Жыве Беларусь!!

Ты прымі ад нас пашану,
О, Тадэвушавы ценю,
Абудзі у сэрцах раны,
Павяртай іх з амярцвення.
Хай з былога ўстануць воі,
Хай на бой натхняць нашчадкаў;
Праз любоў да вольнай волі
Мы палюбім нашу Матку!
Хай цяпер, перад нягодай,
Кроў з-пад Кракава абудзіць
Сілу нацыі й народа.
Колькі сілы ў простым людзе!
Хай пачуе подых смерці,
Хто кляпаць на праўду рады,
Хто ў народнай паняверцы
Бачыць культ сваёй улады!

Францішак Багушэвіч
пераклад з польскай Сяржук Сокалаў-Воюш